សៀមរាប៖ រដ្ឋបាលខេត្តសៀមរាប សហការជាមួយក្រុមបច្ចេកទេសបរទេសបង្ហោះដ្រូនខ្នាតធំចំនួន៥០០ដ្រូន ដែលនឹងបង្ហាញចេញជារូបរាងប្លែកៗ បង្កើតជាផ្ទាំងទស្សនីយភាពដ៏អស្ចារ្យ ក្នុងអំឡុងពេលកម្មវិធីសៀមរាបសង្ក្រាន្ត។

នាព្រឹត្តិការណ៍សៀមរាបសង្ក្រាន្ត រដ្ឋបាលខេត្តសៀមរាប សហការជាមួយក្រុមបច្ចេកទេសបរទេសបង្ហោះដ្រូនខ្នាតធំក្នុងអំឡុងពេលកម្មវិធីសៀមរាបសង្ក្រាន្ត ដែលក្នុងនោះមានការរៀបចំឡើងចំនួន២ថ្ងៃ។

នាថ្ងៃទី១៤ ខែមេសា ឆ្នាំ២០២៤ ក្រុមបច្ចេកទេសដ្រូន នឹងបង្ហោះចេញពីវិទ្យាល័យ១០មករា នៅវេលាម៉ោង ៩:០០នាទីយប់ មហាជនអាចមើលនូវទិដ្ឋភាពនេះច្បាស់ពីតំបន់ Pub Street រឺ លើផ្លូវស៊ីវត្ថា មុខZando។

នៅថ្ងៃទី១៥ ខែមេសា ឆ្នាំ២០២៤ ក្រុមបច្ចេកទេសដ្រូន នឹងបង្ហោះចេញពីទីធ្លាមុខសារៈមន្ទីរជាតិ នៅវេលាម៉ោង ៩:០០នាទីយប់ មហាជនអាចឈរមើលនូវទិដ្ឋភាពនេះច្បាស់ពីតំបន់ត្រជាក់ចិត្ត រឺ សួនច្បារព្រះរាជដំណាក់ ខណៈដ្រូននឹងបង្ហោះឡើងលើកំពស់ ២០០ម៉ែត្រ៕